Valentine Week
Ranchi : बिहाने बिस्तर पे रोज डे कर ख्याल आलऊ… फोन देखल बादे जान में जान आलऊ कि कोनो मिस कॉल नई रहलौऊ….उइठलियौ पॉकेट के देखलियौ तो पॉकेट में 7 रुपिया रहलऊ पर गुलाबवा कर दाम तो 100 रुपिया रहलऊ…. बाकी कर 93 रुपिया कहां से आतऊ एहे सोचते रहियौ ओहे बेरा फोनवा बाजलऊ…. लागलऊ एटम बम फाईट गेलौऊ।
कहां हऊ…..
घर पे…….कहिया आबे…..देखा थी इंतजाम कराथी….शुरु होई गेलऊ नौटंकी…..नै भाईवा आवा हियौव नै
आहे बेरा माई कर आवाज आलऊ। अरे नहाले की नै रे। नै नहाय जा थियौऊ। सुईन नै माय 93 रुपिया हऊ तोर पास। गड़िया में तेल डलवाईक हऊ। ओकरे में माय गिरयाई के बोललऊ तोर गाड़ी हऊ तोंय जान नै हऊ हामर पास पैसा। मन बेचैन होवत रहऊ। कहां से आतऊ 93 रुपिया। गुलाबो किनेक हऊ।
Valentine Week : अब ददवा से मांगेग होतऊ पैसा। ददवा के फोन लगालियौऊ आऊर बोलिलियोऊ
दादा 93 रुपिया चाही….ददवा गिरयाते हुए पूछलौऊ का करबे रे…….गुलाब किनेक हऊ कि तेल भरवाइक हऊ बताव…..नै दादा गुलाब-उलाब नई किनेक हऊ…….मोके कॉलेज जाय ले गाड़ी में तेल भरवाएक हऊ….ददवा बोले लागलऊ तोंय नौटंकी करबे रे……हमके नैं पता हऊ का तोर कॉलेज से पहिले जे पार्कवा हऊ तोके गुलाब लेके हुंआ जायक हऊ नै……मोंय डराय गेलो कि ददवा के ई बात कैसे पता चईल गेलो……मन बेचैन होई गेलऊ…..डराय के मोंय फोन काईट देलों
ओहे बेरा फिर से आइटम बम गिरलौऊ….फोन का घंटी बाजलऊ…..मोंय फोन बाजेक छोईड़ देलऊ
अब तो 93 रुपिया कर सवाल हऊ बेटा…..आब तो 93 रुपिया कहां से आतऊ….ओहे बेरा कुकुर प्रियांशूआ कर ख्याल आलऊ….उकरा के फोन लगाइली….उकरा बोललियौ कि 93 रुपिया दे बे…..उ बोललऊ एखन करे लागले हियौ 93 रुपिया फोन पे…..दिल गार्डन-गार्डन होई गेलू हमरा के 93 रुपिया मिले वाला हऊ….
Valentine Week :
उकर बाद फटाक से बहिनिया कर हेडेन-शॉल्डर चुरालिऔ….फटाफट नहालियौ…..नऊका वाला सर्ट और जिंसवा मारलियो…..ददवा कर जेल बालवा में लगाय के रितिक रोशन बईन गेलियौ…..फटाक से प्रियांशुआ कर 93 रुपिया वाला मेसेज बाजलऊ….आव देखलियौ ना ताव फटाक सा गुलाब दुकान गेलियौ और 100 रुपिया कर लाल गुलाब किनलियौव….गेलियौ कॉलेज कर बगल वाला पार्क….खास पहिले से पहुंचल रहलौव….फिल्मी स्टाइल में घुटना टेक के उकरा के गुलाब देलियौ और वादा करलियौ काईल प्रपोज डे में फिर मिलबौऊ और टाइटेनिक वाला पोज माइर के प्रपोज करबौऊ
Highlights
