Ranchi : जबसे आपन हेमंतवा जेल से निकलले हऊ तबे से सब बीजेपी वाला मने तो हाथ धोय के उकर पीछवे पइड़ गेले हैं। गोटा देश के कोनवा-कोनवा से निकलाय के बीजेपी वाला एक से लेक तगड़ा नेतवा मनके हेमंतवा कर पीछे लगाय देले हंय। आपन हेमंतावा तो एकले पइड़ गेलौऊ।
दो दोस्तो के बीच हास्य व्यंग्य
Jharkhand Politics : हेमंतवा कर चचवो मनके बीजेपी वाला मने आपने में मिलाय लेलैं
अब तो हेमंतवा कर चचवो मनके बीजेपी वाला मने आपने में मिलाय लेले हंय। दूनो चचा चंपाई और लोबिन तो बीजेपी में घुईस गेलैं अब कौन चचवा हेमंतवा कर पक्ष में रहतौउ। धीरे-धीरे सब नेतवा मनके तो बीजेपी वाला मने आपन बटे खींच लेवथैं। हामिन कर हेमंतवा तो एकला पइड़ गेलू रे।
आवे वाला चुनाव को लेके तो सभे मने हेमंतवा को घेईर के राखले हंय। पर हामर हेमंत भी केकेरो से कम हेकौऊ का। सब नेतवा मनकर गर्दा उड़ाय के राइख देतू। जे हेमंतवा से जेल से निकलल भइर से उकर विरोधी मनकर दिल में डर भईर गेलौ उकर अंदाजा ई बात से लगाय सकले हीस कि आगे इकर नतीजा का होवे वाला है।
हेमंतवा को हटाय ले गोटा देशवे कर नेता मने पीछे पईड़ गेलैं
एक बटे हेमंत एकेला हऊ तो दूसर बटे बीजेपी आपन तमाम बड़का-बड़का नेतवा मनके हेमंतवा को रोके ले लगाय राखले हऊ। तोंहे बताव से मंगरा एगो हेमंतवा को रोके ले बीजेपी कर 5-5 गो पूर्व सीएम मने लागले हंय उ हेमंत के कोई रोके पारी का।
एक हेमंतवा सबपर भारी हऊ समझले ना रे मंगरा। तोंहे सोच एक आदमी के रोके ले बीजेपी कर हियां कर नेतवा मने नै सके लागले हंय तो बाहरे से नेतावा मनके बुलावे लागले हंय। बताव एतना-एतना नेतवा मने सब हामिन कर हेमंतवा कर पीछे पईड़ गेले हंय। आब ई तो आवे वाला दू से तीन महीना में पता चलिए जातौऊ कि हेमंतवा रहतौऊ कि नहीं।