Ranchi : ऐ रे मंगरा झारखंड में एक से लेक सेलोब्रिटी मनी आवे लागले हंय। राजनीति कर एक से लेक धुरंधर मने झारखंड कर पावन धरती में आपन पैर रखे लाइग हंय। ई सब सेलोब्रिटी मने ऐसनेहे हियां नहीं टपके लागले हंय। ई मने बस खाली झारखंडी आदमी मने ठगे ले हियां आवे लाईग हंय। सब आवा हंय खाली और झारखंडी मनके बेस बेस वादा कईर के घसईक देवे लाईग हंय।
दो दोस्तो के बीच हास्य व्यंग्य
ई सब खाली ढोंग हऊ। ई ढोंग खाली आवे वाला चुनाव के लेके होवे लाईग हऊ। चुनाव कर बाद तो तोंय ई मनके ढिबरी बाइर के खोजबें नी तो भी कोई नै मिलबैं। सब खाली चुनाव के लेके आपन चेहरा चमकाय और बड़का-बड़का भाषण मने देई के झारखंडी मनेक मन के बदले ले आवे लाईग हंय ताकि हामिन ई नेतवा मनके आपन महंगा से महंगा वोट के देवब।
Ranchi : एक भौजी सबपर भारी
चुनाव के लेके जेएमएम से लेके बीजेपी तो कांग्रेस से लेके आजसू तक सोब पार्टी मने जोर तोड़ से मेहनत करे लाईग हंय। झारखंड में तो बीजेपी तो देशकर आधा से भी ज्यादा नेतवा मनके झारखंड में गिराय देले हऊ। कभी शिवराज चचा तो कभी हिमंता बिस्वा तो कभी अमित शाह। ई तो छोड़ राजनाथ सिंह, अनुराग ठाकुर, जेपी नड्डा मने बड़का-बड़का नेतवा मने भी झारखंड में गिरे लाइग हंय तो दूसरा बटे छोटकी चाची कल्पना भौजी तो सबपर भारी हऊ।
एक बटे बीजेपी वाला मने बेरोजगारी, वादाखिलाफी, बांग्लादेशी घुवपैठिया जईसन मुद्दा के लेके हेमंत सरकार के घेरे लाइग हंय तो दूसरा तरफ छोटकी भौजी केन्द्र सरकार के आदिवासी मनक विरोधी, हेमंत सोरेन के जेल भेजेक और संविधान के खतम करेक जईसन मुद्दा से घेरे लागले हऊ। हेमंत चचा तो पहले ही बोईल देले हऊ कि उके जेल बीजेपी कर साजिश के तहत भेजल गेल रहलऊ।
एखन चुनाव आवे वाला हऊ से ले ई नेतवा मने हियां गिरे लाइग हंय। चुनाव बीतल बादे तो ई मने नजरो नी आबयं। ऐसने बेरा तो कोई नेतवा मने हाल चाल पूछे भी नी आवैना और एखन जब चुनाव का बात आलक तो ई मने हामिन के बहकावे ले आय गलैं। अब तोंहे बताव से मंगरा तोंय ई बार के के वोट देबे, कांग्रेस, बीजेपी की जेएमएम।
