दो दोस्तो के बीच हास्य ब्यंग्य
Ranchi : ऐ रे मंगरा सुने लागले ही इस बार चुनाव में नवा-नवा नेता मने मैदान में उतरे लागले हथिन। हियां कर बुढ़वा नेतवा मनकर नाक में दम करेले नवा-नवा नेतवा मने आपन किस्मत आजमाय ले चुनाव लड़े वाला हथिन। इकर में सबसे आगे नाम बोकारो कर टाइगर नाम से मशहूर जयराम महतो सबसे आगे हऊ।
सिर्फ जयराम ही नै इस बार औउर भी उकरे जईसन एक से लेक राजनीति कर नवा खिलाड़ी मने मैदान में उतरे लागले हंय। इस बार जयराम कर पूरा नवा टोलिये लेके मैदान में उतरे वाला हऊ। उकर सेना कर मैदान में उतरेक से बीजेपी, जेएमएम, कांग्रेस और आजसू जईसन बड़का पार्टी वाला मनके भी तगड़ा झटका लागे वाला हऊ।
Jharkhand Politics : बूढ़वा और छोड़वा कर टक्कर, के मारी बाजी
वईसे भी अब झारखंड कर बूढ़वा नेतवा मनकर सकल देईख-देईख के जनता मने भी अंसाय गेले हंय। अब जनता भी परिबर्तन चाहे लागले हंय। एके गो बूढ़वा नेतवा मने कतई दिन तक राईज करबैं। कहियो तो नवा नवेला छोड़वा मनके भी मौका मिलेके चाही। कतना दिन बूढ़वा मने राईज करबैं।
ऊ तो सब ठीक हऊ पर का जवान छोड़वा मने सालों कर तजूर्बादार नेतवा मनके टक्कर देवे पारबैं। का ई जवान छोड़वा मनकर में ऊ राजनीतिक ज्ञान होई जे ई नेतवा मनके टक्कर देवे पारबैं। नतीजवा चाहे जे भई होवे बात पर ऐसन हऊ नैं कि इस बार कर चुनाव बहुत रोचक होवे वाला होई। एक तरफ जवान सेना कर टोली तो दूसरा तरफ तजूर्बादार और राजनीति कर जानकार मने रही।
